[A:262a]yas kyi gtsug lag khang sogs la rab gnas dang slob dpon la gsol ba btab na bstan 'gro la phan pa rgya chen po 'byung bas de bzhin mdzad dgos tshul zhus pa bzhin/ de 'phral rtse gdong bdag smyon stag lung nas spyan 'dren par mdzad de/ bdag nyid chen po sku mched khu dbon rnams kyis bsam yas kyi gtsug lag khang dang mchod rten rnams kyi zhig gsos dang rab gnas rgyas pa mdzad cing / de nas rje btsun gcen gyis stag lung sogs su phebs nas/ bdag nyid chen po yab sras gnyis kyis bsam yas su bzhugs te/ der gter ston shes rab 'od zer ba dang mjal nas/ de la yang gter chos mang du gsan te/ de'i skabs su nyin gcig gi tshe sngags 'chang sprul pa'i sku nyid kyi dbu rtse chen mo'i bar khang g.yu zhal mthil nas/ mkha' 'gro ma bde ba'i rdo rje'i dbu thod skye bdun a mas bkang ba dang / slob dpon rin po che'i tshe ril dam rdzas sogs yod pa gter nas 'don par mdzad cing / skabs der bdag nyid chen po'i chag phyi gter ston shes rab 'od zer bas mdzad nas/ bsam yas mchod rten dkar po nas lcags kyi rdo rje rtse dgu pa zhig dang skye bdun a ma'i thum bu zhig gter nas spyan drangs te/ de'i dus kyi lcags kyi rdo rje de nyid bdag nyid chen po'i rdo rje phur pa'i dbang bskur gyi dbang rdzas mdzad par grags shing / bde ba'i rdo rje'i dbu thod de nyid nA ro mkha' spyod sogs kyi byin rlabs mdzad dus dbang rdzas mdzad nas deng sang gi bar du gdan sa chen po nyid na bzhugs pa 'di nyid do/ /de ltar bdag nyid chen po 'dis bsam