[A:26b]gam snyam du sems pa'i tshe/ bla chen nyid kyis mkhyen bzhin pa'i ngang nas nyin gcig gi tshe/ bla chen nyid kyi skyu bem gyi nang du rje btsun sku mched rnams dang yab sras lhan cig tu bzhugs pa na/ de nyid khams pas mthong ba'i tshe 'jig rten phal pa lta bu'i pha bu sdod lugs 'di 'dra dang bcas bla ma lta ci/ chos pa tsam du yang mi 'dug snyam log lta cher skyes pa'i tshe/ de nyid bla ma chen pos ye shes kyi gzigs pas legs par dgongs te/ khams pa la zhabs drung du shog gsungs nas/ khyod la rnam rtog ngan pa med mchis sam zhes gsungs pas/ khams pa nyid shin tu skrag ste tsab tsob tu gyur pa na/ bla chen gyi zhal nas gsang sngags pa'i rdo rje slob dpon la log lta byed pa shin tu 'khrul pa yin gsungs nas/ zhabs gnyis shad kyis rkyong par mdzad pa'i zhabs mthil g.yas g.yon la kye rdo rje dang 'khor lo bde mchog gi dkyil 'khor bris pa las kyang gsal ba gnyis khams pa la bstan pas/ rdor rgyal nyid shin tu 'gyod par gyur te sngar byas rnams bshags pa dang / phyin chad bla chen gyi ched du lus ngag yid gsum gtong ba'i dam bca' phul/ de nas khams pa des bla chen stag tsha'i drung du phyin te/ sa chen bkrongs grub pa lta bu'i tshul smras pas/ bla chen stag tshas de nyid bden par bsam ste mgo bo 'khor te rdor rgyal la nye gnas bcol zhing / nged kyi mal sa dang phreng ba 'di la tho reg med cing shin tu gtsang ba rang dus rgyun du bya dgos so zer ba sogs kyi bslab bya mang du byas pa la khams pas bsams bzhin du mal sa yang yang du bshig bcos byed pa dang / phreng