[A:259a]par mdzad nas/ de dag la bsnyen bkur zhabs tog phun sum tshogs pa bsgrub pa sogs mdor na phyag rdzas kyi dngos po ci byung ba thams cad kyang dkon mchog gi zhabs tog kho na ma gtogs rang don du til 'bru tsam yang mi 'dzin par skye bo mkhas blun thams cad la yongs su grags pa yin cing / gzhan yang bdag nyid chen po 'dis mkhas pa'i bya ba rnam gsum gyi nang nas dngos dang brgyud pa'i gdul bya rnams kyi don du legs bshad kyi tshogs gsar du mdzad pa yang / /sa lo thams cad mkhyen pa/ rje dkon mchog lhun grub/ spyan snga ngag dbang chos grags rnams kyi bstod pa sogs bstod pa dang gsol 'debs kyi skor mang po dang / bde mchog gsang 'dus/ phur pa sa lugs kyi dkyil chog sogs dkyil chog du ma dang / bde kye gsang gsum kun rig sogs kyi dbang chog sogs las dang po la mkho zhing / rdzogs pa'i sangs rgyas kyi dgongs pa 'grel nges pa'i dbang chog mang po zhig dang / gzhan yang gsang 'dus dang nA ro mkha' spyod kyi sgrub thabs la sogs pa sgrub thabs kyi rigs mang po zhig dang / khrid yig dang dka' ba'i gnad kyi dris lan gdams pa dang / springs yig gi skor la sogs pa mdor na kho bo cag gis dpe dang lung rgyun 'tshol ba'i phyir 'bad pa chen pos dus phyis phyogs gcig tu bsgrigs pa'i sngags 'chang nyid kyi bka' 'bum po ti gsum bzhugs pa so so'i dkar chag nang bzhin gyi sngon med pa'i legs bshad bsam gyis mi khyab pa mdzad pa rnams kyis kyang bstan pa rin po che ches cher