[A:258b]sngags kyi chos grwa ngo mtshar can 'di dag dang / gzhan yang me 'bar gyi gtsug lag khang brgyad kyi nang nas mchog tu gyur pa kha'u skyed lhas bya ba'i sgrub gnas 'di nyid dang / byas 'gyur rdo rje'i brag rdzong gnyis kyang nyams gso gsar bzhengs lta bu mdzad cing / rje sa skya pa chen po 'khrungs pa'i gnas phru ma zhes grags par yang shin tu ngo mtshar ba'i sgrub sde gsar du bzhengs pa 'di nyid dang / shab dge sdings bkra shis bsam 'grub tu 'dra 'dri chos rdzong khams gsum zil gnon zhes bya ba'i sngags dgon de nyid dang / bsam yas mi 'gyur lhun gyis grub pa'i gtsug lag khang chen po de nyid du bsam yas rab byung gi sde chen po la sogs pa/ mdor na bdag nyid chen po 'dis mdo grwa dang sngags grwa sgrub sde sogs dgon che chung du ma zhig gis dbus gtsang gi sa'i cha ma lus pa khyab pa lta bu zhig gsar 'debs mdzad de/ /de dag gi cha rkyen bsnyen bkur sogs rgya chen po bsgrub pa'i rgyun 'dzugs par mdzad pa 'di ni bdag nyid chen po 'di la/ gangs can khrod kyi bstan 'dzin chen por rlom pa phal cher gyis 'gran zla dang bral ba'i rnam par thar pa yin no/ /de ltar bdag nyid chen po 'dis mdo sngags kyi chos grwa chen po de dag legs par 'debs par mdzad nas/ de nas bzung nas bla ma gong ma rnams kyi dus mchod rnams la bde kye gsang gsum/ yang phur gnyis/ gshed dmar/ gur rigs bsdus/ sampu Ta/ kun rig sogs rgyud sde bzhi dang 'brel ba'i dkyil 'khor mang po'i sgrub mchod dang / rgyud sde zab mo rnams zhal 'don gyi rim pa sogs gsar du 'dzugs