[A:258a]yab chos yang phur gnyis dang / bde kye gsang gsum/ yo ga bya spyod dang bcas pa'i cho ga cha lag dang bcas pa dang / chos skyong gi bskang bzlog gar 'chams/ gdangs dbyangs/ rol mo sogs phyag len phra mo tshun chad kyang ma nyams pa mdzad pa'i sgo nas rdo rje theg pa'i bstan pa gong 'phel du mdzad pa'i gzhi dam pa gdan sa dan gyi phyogs su sngags kyi chos grwa chen po 'di nyid legs par 'debs par mdzad nas dpal ldan sa skya'i sngags phyogs kyi bstan pa gsal bar mdzad pa 'di ni/ bla ma gong ma ye shes kyi spyan ldan du ma'i thugs dgongs rdzogs byed kyi thabs kyi gtso bo lta bur gyur pa yin te/ rje rdo rje 'chang dag pa'i zhing du gshegs kha'i gsung las/ da 'gro na'ang sems kyi 'khri ba sa skya'i dan stod de la chos khrims gtsang ma cig byung na snyam rtsol ba cher byas pa yin te/ de'i spros pa ni chod 'dug gzhan sems kyi lhag ma cung zad kyang med ces gsungs pa dang / bdag chen rdo rje 'chang blo gros rgyal mtshan gyi gsung las kyang / nged rang gi bsam pa bzhin byung na sa skya'i skyed 'phrang yan la lam 'bras sogs sa skya pa'i sngags phyogs kyi chos grwa bzang po zhig ci la thug kyang tshugs par byed snyam pa yod pas/ de dag gi mgo ma la khyed bzhugs dgos zhes paN chen nyi zla seng ge la gsung bar grags pa sogs bla ma gong ma du ma'i thugs kyi lhag mar lus pa 'di nyid/ bdag nyid chen po 'dis ji lta ba bzhin bde blag tu 'grub par mdzad pa ni shin tu ngo mtshar ba'i gnas so/ /de ltar gdan sa chen po 'di nyid du mdo