[A:255a]dang / ljon shing gi rwa bas bskor ba'i rten dang brten par bcas pa 'di nyid gsar du bzhengs shing / yang dus mchod bla brang du grags pa 'di yang gsar bzhengs lta bur mdzad de/ lhag par gtsug lag khang der bzhugs pa'i 'phags pa'i 'bul thog ma dang / bdag nyid chen po'i sku gnyis ma gtogs gzhan ma rten gtso bdag nyid chen po sa paN gyi sku brnyan la dus mchod bla brang pa'i gdung rabs rnams kyis bskor ba ngo mtshar can 'di rnams dang / gzhan yang sa lo thams cad mkhyen pa'i sku brnyan gnyis dang mkhas pa'i dbang po dkon mchog lhun grub kyi sku 'dra rnams la lam 'bras brgyud pas bskor ba bzhugs pa'i gtsug lag khang gzhi thog gser khang du grags pa rten dang brten par bcas pa 'di nyid dang / gzhan yang nang so pu tra khang du grags pa 'di nyid kyang gsar bzhengs lta bur mdzad cing / de dag gi lho phyogs sprul pa'i gtsug lag khang lha khang chen mo'i yang steng du bla ma sa skya pa chen po la lam 'bras brgyud pas bskor ba'i sku brnyan ngo mtshar can blta bas chog mi shes pa 'ba' zhig bzhugs pa'i gtsug lag khang de nyid dang / de 'og rdo rje nag po chen po gur gyi mgon po yum chen e ka dza TI/ 'dod khams dbang phyug ma/ zhing skyong chen po bram gzugs/ las mkhan lnga dang bcas pa bzhugs pa'i mgon khang khyad par du 'phags pa 'di nyid kyang gsar bzhengs mdzad pa yin la/ 'di nyid zhal bkod gnang ba'i tshe/ gong dkar ba sprul sku sbyin pa rnam rgyal gyis lha khang chen mo'i thigs khang du gur phub nas/ mgon po'i