[A:254b]dang / chos skyong rnams kyi mthu rtsal la brten/ da ni sde bstan pa la zhabs tog 'grub pa 'dug snyam du dgongs nas thugs dges pa chen po'i ngang nas/ rgyab brten rdo rje sems dpa' khyed rang la byas/ /mthu dang nus pa rnal 'byor ljags la tshang / /bdud dang mu stegs btul nas rgyun la ring po song / /da yang ye shes mtsho rgyal dran nas dga' nas 'ong ngo lags/ /zhes pa'i lam mgur yang mdzad cing gtsang phyogs la chibs kyi kha lo bsgyur te gdan sa chen por phebs nas/ chos rgyal chen po g.yas ru byang pa/ rgyal rtse ba/ rin spungs pa gsum gyi gdan sa chen po'i mchod gzhis rnying khung gang yod kyi steng du/ lha sa gzhung la gtogs pa rnams dang / mang mkhar gzhung dang / shab smad du gtogs pa phal che ba rnams/ phu gsum mnga' zhabs su gtogs pa sogs shin tu rgya che ba'i mchod gzhis rnams kyang phyag tu phul nas/ de tsam nas gdan sa chen po 'phel zhing rgyas pa'i dbu tshugs pa yin la/ de nas sngags 'chang nyid dgung lo sum cu so bgrang tsam du phebs pa nas bzung ste/ gdan sa chen po'i gtsug lag khang rnams kyi nyams gso dang / gsar bzhengs rnams rim pas mdzad pa gnang ste/ de yang gsar bzhengs ji ltar mdzad pa'i rnam grangs kyang chu mig rdzing khar bde mchog pho brang zhes bya ba rten gyi gtso bo sa skya pa yab sras gsum dang / sa lo thams cad mkhyen pa rnams la bde mchog bla ma brgyud pas bskor ba'i sku brnyan ngo mtshar can mang du bzhugs pa'i gtsug lag khang la lcags ris bskor ba'i klu sdings me tog