[A:254a]'gyur sna tshogs byung bar grags shing / dus de nyid kyi tshe sngags 'chang bla ma 'di'i thugs dgongs la/ bod kyi sems can gyi bde skyid kyi rtsa ba dpal sa skya'i sde bstan pa 'di dar rgyas shig byung na snyam pa yin yang / da dus snyigs pas ngan rgyab byed pa'i bdud sprul stobs ches pa nas/ bstan pa dar rgyas su yong ba dka' ba 'dug pas/ rang nyid kun spangs kyi spyod pas tshe gcig lus gcig la 'tshang rgya ba'i sgrub pa zhig byas na dga' ba 'dug snyam du dgongs nas byang se mo dor phebs par brtsams pa na/ sa skya pa la dad gus che ba'i dgon so so'i bla ma slob dpon rnams kyis kyang bshol 'debs zhus/ khyad par byang nas chos rgyal nam mkha' tshe dbang rdo rje dang / shar kha sde srid nam mkha' lhun grub pa gnyis kyis bdud sprul lha sa rdzong pa sel 'don byas/ gdan sa chen po chos gzhis dang bcas pa thams cad phyag tu 'bul thub pa'i phyag rtags phul nas/ chos rgyal gnyis kyis sngags 'chang nyid kyi na bza' la 'jus te spyan chab mang du bsil zhing bshol 'debs drag tu zhus pas/ bdag nyid chen pos sngar bzhin bstan pa'i 'dzin skyong mdzad par zhal gyis bzhes mod kyang / re zhig dbus phyogs la brdzus stabs kyis phebs nas nA lendra dang / byang rwa sgreng sogs su 'gro ba mang po smin grol la 'god bzhin pa'i skabs der/ chos kyi rgyal po byang pa dang / rgyal rtse ba gnyis kyi spyan 'dren gyi mi sna slebs pa na/ bdag nyid chen po 'di'i thugs dgongs la/ sa skya pa'i gong ma lnga dang / sa lo chen po rnams kyi thugs rje