[A:253b]cing / lag pas sdigs mdzub rang byas pa med kyang / pus mo g.yon pa'i steng du lag pa g.yon pa'i mdzub mo ker byas pa'i steng ka zhig byung nyen 'dug ces kyang gsungs zhes thos la de nas lha mi thams cad kyis zhabs tog bsnyen bkur sogs phun tshogs pa bsgrubs shing / bsam yas lhun gyis grub pa'i chos dang 'jig rten gyi mgon dam pa mdzad par gsol ba btab ste/ bdag nyid chen pos kyang so so'i bsam pa dang mthun par lugs gnyis kyi sgo nas 'dzin skyong spel gsum dar rgyas su mdzad pa yin no zhes thos shing / de nas gong dkar sogs su yang bstan pa'i bya ba rgya cher mdzad cing rim gyis gdan sa cher por phebs te/ re zhig nas shab dge sdings su phebs nas sku mtshams bcad rgya dam par mdzad nas bzhugs pa'i skabs/ dam nyams lha sa rdzong pa dang / gnas pa mgo skya ba gnyis kyi ngan gros kyis/ gnas pas sngags 'chang chen po nyid bkrongs pa byas/ lha sa pa'i lha khang chen mo bslu bar byas pa la/ sngags 'chang nyid kyi mthu stobs kyis ngan pa de dag gi bsam sbyor ngan pa thog tu ma khel bar lha khang chen mo nyin gcig gi bslus snga bar byung ste/ sku tshab mdo sngags rab 'byams pa kun dga' tshe brtan bkrong ba dang / 'phan nag mi khur gcig dang / chos dung dkar po rgyang grags kyang khyer ba sogs/ mdor na bstan pa la gnod pa'i zhabs 'dren dpag tu med pa bsgrubs pa na/ chos dung gi nang 'bus gang ba/ mtshan mo rang skad 'don pa dang / 'phan nag kyang nam gung sgra dang bcas gdan sa chen po phyogs su 'gro ba sogs rtsub