[A:252b]la/ sngags 'chang nyid kyis mi de rnams phal cher pha rol du bde bar sgrol bar mdzad nas/ de nas rdzing bu de la sku khrus shig mdzad nas/ ri rtse'i skas de la 'dzegs byon pa na bde ba can yin zer ba'i zhing khams kyi bkod pa phun sum tshogs pa lta bas chog mi shes pa zhig na/ rje btsun gong ma lnga sogs bla ma brgyud pa mang po dang / sangs rgyas byang sems kha ba bu yug 'tshub pa tsam bzhugs 'dug pa las/ gdams pa dang rjes su bstan pa mang du nos pa'i dag pa'i gzigs snang ngo mtshar can de bzhin byung ba zhabs drung na gnas pa rnams la de ma thag de'i tshul rnams sgrib med du gsungs pa dang / de dag la sogs pa mdor na ngo mtshar ba'i gzigs snang bsam gyis mi khyab pa zhig mnga' ba yin mod kyang / 'dir ni che long tsam zhig brjod pa yin la/ de lta bu'i sngags 'chang bla ma ngag dbang kun dga' rin chen zhes yongs su grags pa de nyid dgung lo nyi shu rtsa bgrang tsam du phebs nas bzung ste/ sa lo thams cad mkhyen pa'i bka' bzhin gdan sa 'di nyid la 'dzin skyong spel gsum gyi sgo nas bstan pa'i me ro gso ba'i thugs 'dun lhag par yod kyang / der skabs bdud kyi gnas mal snying la bcas pa'i sde pa lha khang pa/ lha sa rdzong pa/ skyed 'phrang pa rnams kyi ngan shed grwa bsgrigs la brten/ bse 'bag nag po 'phur shes bzhugs pa'i dra sgo la yang khong gsum gyi thel se gsum 'byar byed pa sogs lugs gnyis ka dang mi mthun pa'i srol ngan gyi rgyun ci yang zhig yod pa la/ sngags 'chang bla ma 'di nyid kyi zhabs tog rin spungs pa dpon blon gyis mdzad