[A:252a]ma yin kyang rim pas rgyun 'thud de mthar so so la bye bsnyen song bar gsal bar gsung 'dug pas so/ /de ltar sngags 'chang bla ma 'dis yi dam zhi khro rab 'byams dang chos skyong srung ma rnams kyi grangs dang mtshan ma'i bsnyen pa mthar phyin mang po mdzad par rten yi dam dang bstan srung dbang po rnams kyi zhal bstan nas byin gyis brlabs shing bar chad sel ba'i tshul rags rim gong du bstan pa bzhin dang / der yang ma zad bdag nyid chen po 'di ni sngon gyi bag chags bzang po sad pa'i stobs kyis gzhon nu nyid nas yi dam gyi lhas zhal gzigs shing rjes su bstan pa nos pa zhig yin te/ de yang bdag nyid chen po 'di sku na phra mo'i skabs 'khor 'ga' zhig dang bcas rtse gdong bla brang du sku rtse zhing bzhugs pa na/ gtsang phung po ri'i yas stong thams cad spyan ras gzigs zhal gcig phyag bzhi pa'i skus go mtshams med par bltams pa dang / mas stong thams cad spyan ras gzigs phyag stong spyan stong gi sku shin tu che ba dag gis khyab nas 'dug cing / phung po ri bo che'i rtser thar pa'i skas yin zer ba'i skas shin tu ring ba zhig skya thal le 'dug pa dang / de'i 'gram na rdzing bu shin tu yid du 'ong ba zhig kyang 'dug cing / de nas pha tshad na srid pa'i tsha chu yin zer ba'i chu chen po skya nyog ge ba zhig gi 'gram na thal tshan gyi chu bo rab med yin zer ba'i thang chen po go thal bkram pa 'dra ba zhig dang / de'i 'khris na ne'u gsing sngo tal pa zhig 'dug pa spu gris gtams pa'i thang yin la/ de'i 'gram na mi mang po zhig nag phung phung 'dug pa