[A:25b]'dzin pa/ mdun du bi na sa ste nags khrod pa thal mo sbyar nas bdud rtsi 'bul ba ste/ gtso 'khor lnga sa dkar po rgyab yol du mdzad/ ya gi mon grog nas ma gi 'bal grog gi bar skyil krung gis khyab par mdzad nas/ 'di rnams thams cad nga dbang gsungs shing dngos su byon nas zhal bstan pas/ thugs la rnam par mi rtog pa'i ting nge 'dzin bsam gyis mi khyab pa 'khrungs shing / ting nge 'dzin de las bzhengs nas a la la ste zhes sogs kyi bstod pa yang mdzad/ de nas zla ba gcig gi bar du 'tsho ba zur nas blangs shing sku mtshams bsdams nas gtso 'khor ci rigs par byon zhing / bla med kyi rgyud sde bdun cu rtsa gnyis sam/ /bla med dang 'brel ba'i dbang byin rlabs sogs kyi chos sna bdun cu rtsa gnyis/ khyad par du lcags ri phyir mi 'da' ba'i zab chos bzhi la sogs pa gsan cing thugs su chud pa dang / yang dge bshes snyag gis bzang rgyud 'brog pa'i gseb tu byon tsa na/ mgrin pa yan chad thig les brtan pa'i rtags shar ba cig mthong nas/ su'i slob ma yin dris pas/ bla chen gyi tshar khar bzhugs tsa na khrid lo gsum bskyangs pa'i slob ma yin zer/ bgres po kun la bla chen tshar khar nam byon dris pas/ gung thang yan chad du byon pa ye med zer te/ de lta bu'i sku'i bkod pa bstan nas sgom chen sum cu tsam re la khrid skyong ba dang / sa skyar bzhugs nas lam 'bras gsungs shing bla ma gong ma'i dgongs pa rdzogs thabs mdzad pa dang / gung thang du mal gyi nye gnas mdzad nas dril bu pa'i chos skor zhus pa dang / 'bring mtshams su mgron la lcam