[A:25a]pas yi dam lha'i zhal gzigs pa dang / chos thams cad la mnga' brnyes pa dang mngon shes dang rdzu 'phrul la sogs pa la thogs pa mi mnga' ba yin no/ /de yang gong du bshad pa ltar 'jam pa'i dbyangs kyis dngos su rjes su bzung ba'i skabs der 'phags pa mi g.yo ba dang / rje btsun ma sgrol ma gnyis kyis kyang zhal gzigs shing bar chad bsal ba dang / gzhan yang mahA lo tsA ba sku gshegs nas gung thang du byon nas bsnyung ba'i tshe/ zo mo tsi tsis sman drangs gdams ngag byin pas sku khams gdangs/ de nas g.yas ru'i grong chung dgon par byon pas dug ro langs nas zla ba gnyis tsam bsnyung bas/ chos thams cad brjed nas gcig kyang med par song ste/ grogs gcig la dri sa yang med/ rgya gar du phyin yang rgya gar na yang ji 'dra yod cha med snyam nas thugs ma bde ste/ sa skyar byon nas brang khang rnying par sku mtshams bcad nas/ bla ma dkon mchog la gsol ba btab pas tshul 'ga' re dran pa byung / de nas rje dgon pa ba mnal lam du byon nas chos gsungs pas ma lus pa dran pa byung / slar yang dges spro dang bcas gsol ba drag tu btab pas/ skabs shig tho rangs ka rnal 'byor dbang phyug birWa pa zhabs skyil krung phyag chos 'khor gyi phyag rgya mdzad pa/ g.yas su shar phyogs nag po pa zhabs skyil krung / g.yas ba men gyi rwa dung / g.yon thod pa bdud rtsis gang ba 'dzin pa/ g.yon du ga ya dha ra na bza' dkar po lding gon mdzad nas rdor dril thugs kar bsnol ba/ rgyab tu ko Ta li pa pus mo btsugs nas gdugs