[A:250b]dkar mo dang / zhes sogs kyi tshigs bcad 'di yang 'jug par mdzad pa yin zhes thos so/ /gzhan yang dpal yang dag he ru ka'i gsung bsnyen yang lan grangs du ma zhig mdzad par brten/ bla ma dang lhag pa'i lhas byin gyis brlabs pa'i mtshan ma yang mang du brnyes shing / yang dag gi sgrub dkyil ngo mtshar can 'di nyid kyang rtsoms shig pa'i lung bstan sa lo nyid kyis mdzad par snang ste/ dkyil chog de nyid kyi mjug tu/ sa lo nyid zhal gzigs te/ sngags 'chang rang nyid kyi thugs steng na yod pa'i don 'ga' zhig zhus pa na rjes su gnang ba'i tshul sogs gsungs pa'i rjes su/ yang dag gi gsung rtsom thor bu 'di rnams sngar phan bdag gis bsgrig ma nus tshul zhib par zhus/ da ni ji lta bu zhig bgyid lags zhes gsol ba btab pas/ zhal 'dzum pa dang bcas nged rang gi rtsom thor bu de rnams lhan cig bsdebs shing / gong 'og gi mtshams sbyor sogs khyod rang gi blo la 'dug pa bzhin bsgrigs pas yong ba 'dug phebs pa la brten nas/ mi 'jigs pa'i spobs pa'i gdeng cung zad thob nas bris pa yin pas 'di la byin rlabs dang yid ches gnyis ka yod do zhes gsungs pas so/ /gzhan yang sngags 'chang bla ma 'di nyid kyis zhing skyong dbang phyug chen po zhal bzhi pa'i gsung bsnyen mthar phyin par mdzad pa'i tshe/ zhing skyong chen po nyid bram ze'i gzugs sku mdog sngon po zhabs gnyis rol pa'i stabs kyis bzhugs pa sku shin tu che bas nam mkha'i khyon gang ba yum bzhi dang bcas pa zhig gsal bar gzigs pa de'i snang brnyan ji lta ba bzhin 'bri bar