[A:250a]na/ yi dam gyi rjes su bzung ba'i mtshan ltas bsam gyi mi khyab pa byung ba dang / khyad par de dus sngags 'chang nyid kyi zhabs drung du gtad nas 'ongs pa'i mi rnams skyed lhas sgrub sde tsam du slebs pa na/ mi rnams kyi dbyibs dang / ming dang / dngos po 'di lta bu khyer 'dug pa sogs 'od gsal gyi ngang nas sgrib med du gzigs pa dang / gzhan yang gnas der 'phags chen nyid las gur gyi mgon po'i nang khrid gsan nas thugs dam rtse gcig tu mdzad pa na/ gur mgon lha brgyad/ ber nag zangs gri can/ ru 'dren sde bzhi dregs pa'i 'khor dang bcas pa rnam 'gyur sna tshogs mdzad pa yang nas yang du gzigs shing / gzhan yang bdag nyid chen po 'dis rdo rje phur pa la gsung bsnyen thang bzhi'i bar du mdzad de/ thang cig byas 'gyur du mdzad pa de'i skabs su/ byas 'gyur gyi gzhi bdag klu mo dkar mo dang / bdud kyi rta pa bco brgyad 'khor dang bcas pa snga dro lung pa'i mdor 'gro ba dang / phyi dro phur 'gro ba nyin re bzhin gzigs snang la byung ba na/ sngar dpal chen pho brang du phur pa'i gsung bsnyen mdzad skabs/ dkar mo nyi zla dang bdud kyi rgyal po 'khor bcas gzigs snang la byung ba dang cha lugs mthun par 'dug pas thugs rgyud kyang gcig gam snyam du dgongs nas/ byas 'gyur rdo rje'i brag rdzong gi sgrub sde chen po mi nyams shing yun du gnas pa sogs kyi bka' bsgo mdzad pa na/ gzhi bdag rnams kyis kyang de bzhin khas blangs par brten/ de'i gtang rag tu dmigs nas bsang yig rgyas par/ gzhi bdag klu mo