[A:248a]dang / dzam dkar gyi rjes gnang sogs dkon zhing zab pa'i rjes gnang dang / byin rlabs kyi rigs mang po zhig gsan par mdzad/ gzhan yang paN chen legs blo ba/ ngor chen sangs rgyas seng ge gter ston snang rtse ba/ gter ston shes rab 'od zer ba rnams kyang gus pas bsten nas dbang byin rlabs gter chos sogs mtha' yas pa zhig gsan cing / gsan pa de rnams kyang tshig don gyi cha la sgro 'dogs mtha' dag chod par mdzad pas mdo rgyud bstan bcos ji snyed pa'i mnga' bdag chen por bzhugs pa yin no zhes grags la/ de ltar yongs 'dzin dam pa rnams las zab rgyas gsan pa rgya mtsho'i pha rol du son par mdzad pa'i sngags 'chang bla ma 'di nyid kyis/ rje btsun sa skya pa'i chos kyi khri ga la ba der zhabs zung bkod cing / bla ma gong ma rnams kyis byin gyis brlabs pa'i dgon pa dang / yang dben rnams su sgom sgrub la gzhol ba'i sgo nas yi dam zhi khro rab 'byams rnams dang / rdo rje'i chos skyong rnams kyi grangs dang mtshan ma'i bsnyen pa mthar phyin pa mdzad de/ bla ma yi dam rnams kyi zhal gzigs shing / bstan srung rnams bran bzhin du bkol te bstan dgra rnams tshar bcad nas/ spyi dang bye brag gi bstan pa 'phel rgyas su mdzad pa'i tshul ni/ bdag nyid chen po 'di dgung lo dgur phebs pa shing mo bya'i lo/ /sa skya paNDi ta chen po'i chos kyi khri chen por khams gsum chos kyi rgyal por mnga' gsol te/ gdan sa chen po'i bla ma slob dpon dge ba'i bshes gnyen gtso bor gyur pa'i skye bo'i tshogs stong phrag du ma