[A:247b]cing / gzhan yang kye rdor bka' babs phyi ma rnams kyi dbang / rdo rje phreng ba yongs rdzogs kyi dbang / gsang 'dus/ 'jigs byed/ mgon po sogs kyi dbang / kye rdor rgyud gsum gyi bshad bka'/ rdo rje 'chang gi bka' 'bum pod bzhi ma/ mgon po'i gser pod tshang ma/ rje ngor chen thams cad mkhyen pa rang gi bka' 'bum gyi lung dang / sgrub thabs rgya mtsho dang brgya rtsa'i rjes gnang dang / de dag gi yig cha'i lung / dmar po skor gsum gyi rjes gnang yig rnying gi lung dang bcas pa sogs bsam gyis mi khyab pa zhig gsan cing thugs su chud par mdzad/ yang chos kyi rje 'phags chen dpal ldan bkra shis kyi drung du/ birWa pa'i srung ba thun mong dang thun mong ma yin pa gnyis dang / brda chig brgyud sogs gsung ngag gi cha lag rnams dang / rje btsun rdo rje rnal 'byor ma'i byin rlabs dang / 'di'i rnal 'byor bcu gcig gi bshad bka'/ rtsa dbu ma'i khrid/ mgon po'i rtsa gsum 'khor lo'i khrid sogs khrid bka' mang po zhig dang / rjes gnang zur bka' bcu phrag gnyis kyis lhag pa sogs thun mong ma yin pa'i zab gnad rnams gsan/ yang chos rje kun dga' grol mchog blo gsal rgya mtsho'i sde'i zhal snga nas la/ 'khor lo sdom chen gyi dbang / dgra nag gi dbang sogs zab chos 'ga' zhig gsan cing / yang lo nas spyan snga rin po che ngag dbang chos grags kyi drung du/ bka' gdams thig le bcu drug gi dbang / bka' gdams lha bzhi'i khrid/ blo sbyong don bdun ma/ bka' gdams pha chos bu chos/ bka' gdams gzhung drug sogs