[A:247a]la/ yang bdag nyid chen po 'dis bdag chen ngag gi dbang phyug grags pa rgyal mtshan gyi drung du yang dges pa rdo rje'i dbang sogs dbang gi rnam grangs 'ga' zhig dang / dkar mo nyi zla lcam dral/ bran bdud gshin rje nag po'i rjes gnang sogs gsan cing / yang sngags 'chang bla ma rang nyid kyi yab 'jam dbyangs nam mkha' don grub tshe brtan bkra shis grags pa rgyal mtshan dpal bzang po'i zhal snga nas la dges pa rdo rje'i dbang sogs dbang gi rnam grangs du ma zhig dang / gshed dmar spros med kyi khrid sogs grol byed khrid kyi rnam gzhag kha yar dang / gzhan yang rje btsun sa skya pa'i yab chos dmar po skor gsum sgrub pa'i phyag len/ de'i yig skor sogs mdor na zab mo dam pa'i chos kyi phyag len phra mo 'ga' zhig gi phyag khrid rnams kyang gsan cing / yang thams cad mkhyen pa dkon mchog lhun grub kyi drung du gsung ngag rin po che lam 'bras bu dang bcas pa'i gdams ngag gi khrid glegs bam gyi lung dang bcas pa dang / gsung ngag bla ma brgyud pa'i rnam thar thor bu ba rnams kyi lung / gzhan yang gshed dmar lha lnga'i dbang / rdzogs rim shin tu spros med kyi khrid dang / de'i skor la rnal 'byor dbang phyug gis mdzad pa'i spros med rdo rje'i tshig rkang sogs rgya gzhung tshad ldan du ma'i lung dang / rje rdo rje 'chang gis mdzad pa'i sgrub thabs bdud rtsi'i bum pa/ dkyil chog bdud rtsi'i chu rgyun sogs bod gzhung tshad ldan mang po'i lung sogs mdor na rje de nyid kyi drung du gshin rje gshed dmar po'i chos skor yongs su rdzogs pa gsan