[A:245a]mchog /gdan sa chen po dpal ldan sa skya yi/ /gtsug lag khang chen nyams pa rnams gsos te/ /sku gsung thugs kyi rten dang mchod chas bkang / /gzhan yang 'gro ba'i bsod nams 'phel ba'i phyir/ /ngo mtshar mchod pa'i rten dang mchod pa'i rdzas/ /yid 'phrog khang bzang du ma'ang gsar du spel/ /khyad par rgyal ba'i bstan pa gsal mdzad pa'i/ /bshes gnyen brgya phrag mang po 'byung ba'i gzhi/ /chos grwa chen po thub bstan lha chen dang / /gsang sngags 'dzin pa du ma 'du ba'i gnas/ /bde ba chen po'i gling sogs legs btab nas/ /bstan pa'i bya ba thos bsam sgom gsum dang / /mkhas pa'i bya ba 'chad rtsod rtsom gsum gyis/ /bde gshegs bstan pa yar ngo'i zla ltar spel/ /gzhan yang rdo rje 'chang dngos sa skya pa'i/ /gong ma dgongs pa chos dbyings mnyam gzhag pa/ /de dag thugs dgongs rdzogs phyir dges rdor dang / /bde mchog gsang 'dus yang phur la sogs pa/ /dri med rgyud nas bshad pa'i dkyil 'khor tshogs/ /sgrub cing mchod dang bdag 'jug len pa dang / /slob ma dbang bskur la sogs lo re bzhin/ /mi nyams dbyar mtsho bzhin du 'phel bar mdzad/ /mdor na zhi rgyas dbang dang drag po yi/ /sna tshogs thabs mkhas du mas gdul bya rnams/ /gang la gang 'dul tshul du legs bskyangs te/ /'dzin ma'i khyon 'di rdzogs ldan bde la bkod/ /sngon tshe chos rgyal mes dbon de dag gis/ /bstan pa rin chen bya ba mdzad pa'i tshul/ /bsam las 'das mod sangs rgyas byang sems