[A:245b]kyi/ /rnam par sprul pa de dag 'das pa'i rjes/ /gangs can khrod 'dir kun mkhyen sangs rgyas kyi/ /bstan pa'i bya ba rlabs chen mdzad pa la/ /sngags 'chang nyid las ngo mtshar che ba gzhan/ /med ces deng dus dpyod ldan yongs la grags/ /de lta'i bstan pa'i gsal byed chen po de/ /re brgyad bzhes pa shing pho spre'u'i lo/ /gro bzhin zla ba'i yar ngo'i bcu bzhi la/ /sa skya'i lha chen lhun grub pho brang du/ /dgongs pa chos kyi dbyings su thim tshul bstan/ /de lta'i sprul pa'i skyes mchog de nyid las/ /brgyud 'dzin slob bu mang du 'phel ba yi/ /kun gyi mchog ni chos dang rigs kyi sras/ /grub pa'i dbang phyug puNya indra dang / /sems dpa' chen po grags pa blo gros mtshan/ /gzhan yang bstan pa gsal mdzad bshes gnyen tshogs/ /nyi zla bzhin du grags pas yongs khyab cing / /skar phran bzhin du bgrang ba'i yul 'das pas/ /'dzin ma'i khyon 'di yongs su khyab gyur te/ /spyi dang bye brag bstan pa rin po che/ /dbyar mtsho bzhin du 'phel ba'i dge mtshan 'di/ /sprul pa'i skyes mchog sngags 'chang chos kyi rje/ /kun dga' rin chen gang gi rnam thar yin/ /zhes so/
/gnyis pa de'i don mdo tsam bshad pa ni/ /de lta bu'i bdag nyid chen po de nyid kha ba can 'dir 'gran pa'i zla dang bral ba'i rigs brgyud 'khon sa skya pa zhes pa'i mtshan gyi dge legs dang ldan pa'i gdung rigs 'dzin pa'i skyes chen dam pa 'jam dbyangs nam mkha' don grub tshe brtan bkra shis rgyal mtshan dpal bzang po zhes bya ba de nyid kyi btsun mo lha gcig bu 'dren skyid bya ba la me mo