[A:241b]rin chen bkra shis grags pa rgyal mtshan dpal bzang po zhes mtshan yongs su grags pa'i rje btsun sa skya pa'i bstan pa'i me ro gso ba la bsams bzhin du sku skye ba bzhes pa de nyid kyis sku tshe 'di'i sngon rol du thabs la mkhas pa'i sprul pa'i sku du mar bstan te/ mtha' yas pa'i sems can gyi don mdzad pa'i tshul mdo tsam zhig brjod na/ sngags 'chang bla ma bstan pa'i nyi ma grub pa'i dbang phyug chen po 'di nyid ni/ dus gsum rgyun mi 'chad par zhing khams ji snyed par gdul bya so so'i skal ba dang 'tshams pa'i sku dang mtshan gyi rnam pa tha dad du bstan nas/ gdul bya'i 'gro ba 'khor du ma 'dus pa rnams bsdus/ bsdus pa rnams smin/ smin pa rnams grol/ grol ba rnams mthar phyin pa'i lam la 'god par mdzad pa yin te/ de yang sngags 'chang chos kyi rgyal po 'di nyid/ thog mar sngags kyi lam du zhugs pa'i skal ldan rnams kyi ngor gsang sngags kyi rgyud sde mtha' dag sdud pa'i byed pa po mchog tu gyur pa gsang ba'i bdag po phyag na rdo rje zhes bya bar grags shing / theg pa chen po'i rigs can rnams kyi ngor theg pa chen po'i bka' mtha' dag sdud pa po kun tu bzang po zhes bya bar grags la/ gdul bya nyan thos pa rnams kyi ngor mdo sde'i sde snod sdud pa po dgra bcom pa kun dga' bo zhes bya bar grags shing / yang bod gangs ri'i khrod 'dir mdo rgyud kyi chu gter chen po spel ba la mtshungs pa dang bral ba'i lo tsA ba bai ro tsa na zhes grags shing / slar yang blang dor gyi rnam gzhag tshul bzhin du ston pa'i rje btsun sa skya paNDi ta kun dga' rgyal mtshan dpal bzang po zhes