[A:239b]pad brtan pa'i rten 'brel gnang dgos zhus pas/ rje'i gsung gis/ rim gro sogs sngar yang gang grub byas/ da rung rim pas byed rtsis yin/ mtshams dam pa zhig byed bsams na'ang / kha rtsang nas chos 'chad pa dang / deng sang gdan sa 'di pa rnams la mdun 'jags shig yong re nas 'gyangs pa yin/ 'di tsho'i brel ba chod 'phral la mtshams byed ces gsungs pa la sogs pa zhing khams gzhan du 'byon pa'i bka' du ma snga rol nas stsal ba dang / gzhan yang sku mya ngan las 'da' ba'i ltas du ma snga gong nas byung bar grags shing / de nas sbrul lo zla ba dang po'i tshes nyi shu skor la rin chen sgang gzim khang du phebs nas sku mtshams bug sgo 'dag sbyar mdzad de/ /thugs dam zab mo la rtse gcig tu bzhugs shing / thun mtshams rnams la gsung rtsom 'phro can rnams kyang grub par mdzad/ zla ba lnga pa'i nyer bzhi lnga tsam nas gzhan ngor zhabs cung zad bsnyung ba'i tshul bstan nas der skabs kyang thugs dam zab mo la rtse gcig tu bzhugs shing / skabs 'gar khyed rnams ma 'dug pa mchod pa gsar pa shom zhes pa yang yang gsungs/ de dag gi skabs su nam mkha' baiDUrYa'i mdog ltar shin tu dngas shing snum pa la nyi ma'i 'od zer sngar bas kyang gsal ba dang / lha'i me tog gi char bsam gyis mi khyab pa babs pa na sku 'khor rnams yid ma bde nas/ 'di ltar 'dug lags pa ci 'dra lags sam zhus pas/ 'jig rten gyi khams bsam gyis mi khyab pa rnams na sangs rgyas dang byang chub sems dpa'i rnam par sprul pa la la bltams pa dang / la la mya ngan las