[A:240a]'da' ba la sogs pa'i tshul ston pa bsam gyis mi khyab pas de kun gyi ltas yin mod gsungs shing / gzhan gyi sems bsrung ba'i phyir du yal yol mdzad/ tshes bcu'i snga gro'i dus da lta sku khams gso ba'i mnal cung zad cig mdzad na nyin mo sku khams dwangs pa yong lags sam zhus pas/ de tsam 'dug long med ces gsungs shing / zhing khams 'di'i mdzad pa re zhig rdzogs pa dang / zhing khams gzhan du gdul bya rgya che ba la dgongs nas rtag 'dzin can rnams nges 'byung bskyed pa dang / le lo can rnams brtson 'grus la bskul ba'i ched du chos kyi rje de nyid dgung lo bzhi bcu rtsa dgur phebs pa chu mo sbrul gyi lo chu stod zla ba'i tshes bcu'i nyi ma dro bar tsam la gdan sa chen po'i bla brang rin chen sgang nyid du gzugs kyi sku chos kyi dbyings su bsdu bar mdzad cing / de nas phyi dro'i cha la babs pa na thams cad kyis gsan pa'i thag sgra shin tu che ba dang bcas te dbu'i gtsug gi thod pa sor gang tsam cig gtsug tor gyi tshul du 'phags pa la byang sems kyi zil pa phrom me ba dang bcas par gyur cing / de ma thag nas sngar su zhig gi sna'i yul du tshor ma myong ba'i lha rdzas kyi spos kyi dri bsung khyad par can gyis gzim khang gi steng 'og thams cad khyab pa dang / kha dog sna tshogs pa'i 'ja' tshon gyi ri mos mdzes pa'i nam mkha' las me tog gi char chen po babs pa la sogs pa ngo mtshar ba'i ltas du ma dang bcas te/ rgyud sde rnams nas 'byung ba'i 'da' kha ma'i rnal 'byor gyis bde ba can gyi zhing khams su dpa' bo dang rnal 'byor ma rnams kyi bsu ba