[A:238b]zhing / /nges par 'byung ba'i chu shel las grub pa'i/ /gzhan la mi gnod btsun pa'i gos dkar can/ /byams dang snying rje'i dkyil 'khor ches rgyas pa'i/ /sems nyid nyin mor byed pa'i 'od zer gyis/ /'gro ba'i sdug bsngal mun pa dpyis 'byin pa'i/ /phan bde'i lam bzang gsal mdzad skye dgu'i sgron/ /zab don ljon shing dam tshig rtsa ba brtan/ /rim gnyis yal 'dab lag len me tog rgyas/ /zung 'jug 'bras bu'i khur ldan 'phrin las kyi/ /grib bsil g.yo ldan rigs 'dzin dpag bsam shing / /zhes btsun pa'i yon tan dang / /bgrang yas yon tan kun gyi rtser 'dzegs kyang / /mngon par khengs pa'i mdung gi ba dan bsnyal/ /skye dgu kun gyi gtsug gis rab btud kyang / /kun gyi 'bangs ltar gzhan gyi don la dges/ /spyod lam kun tu zhi zhing dul ba'i thugs/ /grogs ngan sdug bsngal zab mo thos mi skrag /skad cig nyon mongs go skabs g.yo min pa'i/ /mchog tu zhi bas gzhan gyi khro ba'ang 'joms/ /rnyed dang ma rnyed la sogs mgo snyoms shing / /phongs dang mgon med rgyud pa kun las 'dzin/ /zab bcas 'phrin las ngang gis lhur mdzad cing / /rtag tu 'dren pa kun gyi bran du zhugs/ /mdzes shing yid 'ong rdo rje lta bu'i sku/ /nyin mtshan rtag tu chos char 'bebs pa'i gsung / /snying rjes gzhan dbang gyur pa'i thugs mnga' ba/ /khyod kyi mdzad pa byis blo'i yul las 'das/ /e ma bdag ni tshul 'di mthong bas kyang / /skyon med rnam par thar pa bsam yas kyis/ /mgon khyod gzhan las bzang por bsgrub min te/ /