[A:237a]skabs/ gzhi thog gi gzims chung mkha' spyod sbug tu thugs dam mdzad dus/ 'khor rnams la khyed rnams phyir song / brda ma byung bar la su yang ma btang gsungs nas thugs dam la sngar bas kyang rgyun ring bar bzhugs pa na/ gzims dpon gyis da nang sku khams nyog pa min lags sam zhus pas/ nyog pa min/ da nang bde ba can yin zer ba'i zhing khams yid du 'ong ba zhig tu slebs/ rgyal ba 'od dpag med la sangs rgyas byang sems mang pos bskor ba dang / rje sa skya pa yab sras/ rje sangs rgyas rin chen rnams kyang bzhugs 'dug de rnams kyi drung na rin po che'i khri shin tu mdzes pa gnyis 'dug pa'i/ cung mtho ba mtha' skor du mchod pa'i lha mang pos mchod rdzas thogs nas 'khod pa/ steng na gdugs phub pa zhig 'dug pa der khyod sdod zer nas ngas bsdad/ cung dma' ba der gzhan cig phebs rgyu yin pa'i mtshan don byung ba brjed 'dug gsungs/ nga yod dus khri de stong par yod/ rgyal ba 'od dpag med kyi drung du chos mang po thob/ zhing khams de las yid du 'ong ba mi 'dug gsungs/ nan gyis tshul snang zhus pas gnyid sad pa'i snang ba byung gsungs shing / de nas ha cang rgyun mi ring ba zhig na/ glo bor mkhan chen thams cad mkhyen pa zhing gzhan du gshegs pa'i tshul bstan pa na/ de dus bdag nyid chen po'i gsung las/ kha sing bde ba can gyi zhing na yod pa'i khri stong pa de mkhan chen thams cad mkhyen pa nyid 'byon pa'i ltas su 'dug ces gsungs par grags la/ de ltar bla ma dang yi dam chos skyong