[A:236b]'gyur ci yang mdzad ces grags shing / yang lan cig gi tshe la stod lho'i sa skyong chen pos spyan 'dren gyi gsol ba btab ste zhal gyis bzhes nas/ der phebs pa'i gong rol zhig tu mkha' spyod gzim chung sbug tu bzhugs pa'i skabs shig mtshan lam du rje sa skya pa chen po dang / 'jam pa'i dbyangs yin nam snyam pa'i paNDi ta'i cha lugs byas pa gcig chos rje sa paN/ rnal 'byor gyi dbang phyug birWa pa/ slob dpon nag po spyod pa ba rnams chos kyi gsung gleng mdzad pa'i drung na bdag nyid chen po 'di phebs te the tshom mang du bcad/ khyad par nag po spyod pa ba la 'khor lo bde mchog gi chos skor ma lus pa gsan cing / nag po gzhung drug rdzogs mtshams mnal sad ces grags shing / de nas la stod lhor phebs te/ der snga dro thugs dam grol mtshams shig rje'i gsung gis/ da nang tho rangs bram ze'i gzugs ral pa'i khrod na seng ldeng gi rdo rje rtse lnga pa yod pa zhig byung ste/ khyod rang gi mi 'phrod yod do zer nas/ bande char zhags gyon pa gnyis gtad pa'i snang ba byung / phyi na mar ltos shog dang gsungs/ sde pa'i sgo phye 'phral bltar btang bas 'bul sdud pas btang ba yin zer ba'i sle'u gyon pa gnyis sgo drung na slebs 'dug ces gleng ba byung / /de nas yang gdan sa chen por chibs kyi kha lo bsgyur te phebs lam shrI rgod tshang du bzhugs nas rgod tshang phug par tshes bcu'i mchod pa mdzad pas/ rje btsun rdo rje rnal 'byor ma 'ja' 'od kyi dkyil na bzhugs pa mngon sum du gzigs/ de nas gdan sar phebs te chos 'chad nyan rgya chen po mdzad pa'i