[A:234a]dges pa rdo rje'i phyi nang gi bskyed rim/ lam dus kyi dbang rgyas par blang ba dang bcas pa/ bde mchog dril bu pa'i lus dkyil/ nag po pa'i mngon rtogs/ phur pa'i mngon rtogs/ lam zab mo bla ma'i rnal 'byor/ bla ma rin chen 'byung ldan/ rnal 'byor dbang phyug gi srung ba gnyis/ nA ro mkha' spyod kyi nyams len 'chi kha ma'i gdams ngag dang bcas pa/ bde mchog dkar por nyams len/ rdo rje lha mo'i mngon rtogs/ dmar po skor gsum gyi nyams len/ sgrol dkar gyi mngon rtogs/ thub pa mi ru sbi Sha ra/ rnam rgyal 'joms gnyis/ mgon po'i srung bzlog rgyas pa sogs lha'i rnal 'byor re re nas kyang sngags kyi bzlas pa grangs mang po dang bcas thun gnyis dang gsum dang bzhi la sogs pa'i nges pas gtan mi chag pa'i dam bca' brtan po mdzad cing / gtso cher rdzogs rim gyi nyams len lta ba skyong ba dang bcas pa du ma dang / sbyor drug gi nyin mtshan gyi rnal 'byor dang / rlung dang 'phrul 'khor la sogs pa'i rnal 'byor du mas mtshan mo'i cha phal cher 'da' bar mdzad la/ snga dro thugs dam grol nas rten gsum rnams la phyag dang bcas pa'i yan lag bdun pa dang / dkar gtor cha bzhi/ nyin bar gyi dus su tshogs chos gsung ba la sogs pa'i lung dang bshad pa la sogs pa'i phyag khrid rnams mdzad/ de lta bu mi gnang ba'i skabs su phyag dpe'i gzigs rtog kho na mdzad cing / thun mtshams gang rigs la gtor ma brgya rtsa rgyas pa chu sbyin dang bcas pa/ dzam ser nag dbyu gu ma spun gsum/ dus 'khor gyi