[A:234b]srung ma drug cu/ thugs rje chen po'i brul gtor cha gsum gtor ma rnams mdzad nas/ mthar shes rab snying po saM skr-i ta'i skad du tshar gsum bdud bzlog bsngo ba smon lam dang bcas pa mdzad/ bar skabs su sku 'chag pa'i zhabs bskor dang bcas te/ rtsa ba'i bla ma rnam bzhi dang / bla ma gong ma rnams kyi bstod pa du ma dang / brgyud pa'i gsol 'debs kha yar/ dpa' bos mdzad pa'i sangs rgyas kyi bstod tshogs 'ga' yar/ dpal ldan chos grags kyis mdzad pa'i bde mchog gi bstod pa rgyun chags/ tsandra go mas mdzad pa'i 'jam dbyangs phyogs bcu ma/ thams cad mkhyen pa'i bshes gnyen gyis mdzad pa'i sgrol ma'i bstod pa me tog phreng 'dzin sogs chos spyod kyi rim pa mang du mdzad/ dgongs mo'i cha la dbang dang byin rlabs dang rjes gnang zab mo rnams so so'i blo dang 'tshams par mdzad/ de nas yang srod thun phal cher rdzogs pa'i mjug tu/ bde dges phur gsum/ mgon po lha brgyad sogs yi dam chos skyong gi gtor bsngo rnams rgyas par mdzad/ de nas srod thun gyi 'phro rnams rdzogs par mdzad pa la sogs pa mdor na bdag nyid chen po 'dis nyin zhag phrugs gcig gi mnyam gzhag gi thugs dam rnams lta zhog chos spyod dang gtor ma'i sgrig chags tsam yang deng sang gi dge ba la rtse gcig tu bzhugs par rlom pa rnams kyis nyin zhag du mar 'bad kyang grub par dka' bar mthong zhing / de ltar rim gnyis kyi ting nge 'dzin zab mo la g.yel ba med par bzhugs pa'i 'bras bu gnas skabs su bla ma yi dam sogs kyi zhal bstan cing rjes su