[A:229b]zab pa'i chos kyi bka' drin mang du gsan te thugs su chud par mdzad/ yang rje 'dis 'phags pa spyan ras gzigs dang zhal mi gnyis pa'i rje btsun mus pa chen po sangs rgyas rin chen gyi drung du snga phyir gsan pa'i chos kyi rnam grangs la/ rdo rje phreng ba kri ya sa mutstsha dang bcas pa'i dbang / bde mchog nag po pa'i chos skor yongs rdzogs/ sbyong dkyil bcu gnyis kyi dbang / blo sbyong gi skor/ rje mus chen rang nyid kyi gsung 'bum gyi lung sogs gsan cing / mdor na sngar gsan pa'i gdams ngag mang po yang bskyar nas gsan par mdzad de/ nyid kyi gsung las/ 'jig rten dbang phyug buddha ratna las/ /sngar gyi gdams ngag phal cher bskyar nas nyan/ /gzhan yang gsang 'dus rigs gsum blo sbyong spyod/ /kr-i ya sa mutstsha sogs mang du thos/ /zhes sogs gsungs so/ /gzhan yang thams cad mkhyen pa zha lu lo tsA ba rin chen chos skyong bzang po la dus 'khor sa lugs kyi dbang / sbyor ba yan lag drug pa'i khrid/ tha snyad rigs pa la sgra ka tsan gnyis 'grel pa yan lag dang bcas pa/ sdeb sbyor gyi bstan bcos rin chen 'byung gnas/ tshig rgyan gyi bstan bcos me long / mngon brjod kyi bstan bcos sna tshogs gsal ba'i nyer mkho bsdus pa sogs mang du gsan cing / gsan pa de dag kyang ming tsam ma yin par tshig dang don du bcas pa legs par dgongs shing thugs su chud pas phyi nang gi rig gnas gang la yang thogs pa med pa'i paNDi ta chen por gyur pa yin te/ nyid kyi gsung las/ 'gos lo dharmA pa la'i zhal snga nas/ /dus kyi 'khor