[A:229a]brgyud pa dri ma med pa las 'ongs pa'i sdom pa gsum gyi bka' drin mnos pa'i bla ma rnams kyi nang nas kyang / 'di nyid la rtsa ba'i bla ma mchog tu 'dzin pa yin te/ nyid kyi gsung las kyang / khyad par rdo rje 'chang chen ratna'i mtshan/ snyigs dus 'gro ba'i 'dren mchog dam pa las/ /sdom pa gsum gyi bka' drin nyer nos pas/ /bka' drin che zhing bla ma'i mchog tu bzung / /zhes gsungs pas so/ /yang bdag nyid chen po 'dis mkhan chen bsod nams lhun grub las dam pa'i chos gsan pa'i tshul ni/ bdag nyid chen po rang gi gsung las/ mkhan chen 'jam pa'i dbyangs las ches zab pa'i/ /kye rdor rgyud gsum gsang mtha' gur mgon sogs/ /thun mong ma yin yid ches gnad rnams zhus/ /zhes gsungs pa ltar/ bya ba spyi rgyud nas bshad pa'i rigs gsum spyi dbang / rnam 'joms ma Ni badzra lugs kyi dbang sogs smin byed dbang gi rnam gzhag bcu phrag gsum du lnga phrag gcig gis lhag pa rnams dang / dpyal lugs kyi phag mo skor gsum gyi byin rlabs sogs byin rlabs kyi rigs lnga phrag gsum tsam dang / gtsug tor rnam rgyal/ don zhags lha lnga/ gur mgon lha brgyad kyi rjes gnang sogs rjes gnang zur bka' bzhi bcu lhag pa tsam sogs 'di dag kyang rgyab brten gyi yig cha so so'i lung dang / gzhan yang dges pa rdo rje rgyud gsum gyi bshad bka' bde mchog rtsa rgyud 'grel pa dang bcas pa'i lung bshad sogs dang / chos rje mkhan chen thams cad mkhyen pa rang nyid kyi bka' 'bum gyi lung sogs mchog tu