[A:227b]pa dang ji snyed thugs su chud pa thams cad kyang bsnyel ba med pa'i spobs pa phun sum tshogs pa mnga' ba ste/ bdag nyid chen po rang gi gsung las/ gsang ston slob dpon yon tan 'byung gnas la/ /'dul ba mdo rtsa ka ri ka la sogs/ /tshad ma rnam 'grel rigs gter sdom gsum dang / /pha rol phyin pa'i gzhung lugs 'ga' zhig mnos/ /sngags kyi sdebs sogs lag len phran tshegs bslab/ /de ltar thos pa'i gzhung lugs thams cad la/ /bsam pas sgro 'dogs chod cing bsgoms na yang / /the tshom mi za yid ches cung zad yod/ /ces gsungs pas so/ /de nas lug gi lo rje nyid dgung lo bco lnga pa'i dus yongs 'dzin dkon mchog 'phel ba'i gsung gis/ rang gzhan gyi don gnyis bsgrub pa'i phyir gsung bsnyen mdzad dgos pa'i bka' stsal ba la brten/ dges pa rdo rje'i dkyil 'khor gyi bsnyen pa sbyin sreg dang bcas pa/ rdo rje phur pa'i bsnyen pa/ nag po chen po gur gyi mgon po'i bsnyen pa rnams mthar phyin pa mdzad pas/ de dag gi skabs su kye rdor dang / rdo rje gzhon nu/ gur mgon rnams zhal gzigs pa la sogs pa grub pa'i mtshan ma mang du byung bar grags la/ de nas yang rgyal ba'i bstan pa la zhugs la yongs su rdzogs pa ni dge slong nyid yin par dgongs nas/ dgung lo nyi shur phebs pa shing pho byi ba'i lo mkhan po sngar gyi dge tshul mdzad pa po de nyid dang / las kyi slob dpon 'jam pa'i dbyangs sangs rgyas rin chen dpal bzang po dang / gsang ston rwa ston yon tan 'byung gnas kyis mdzad de/ dge 'dun bcu phrag phyed kyi