[A:227a]pas/ skye bo'i tshogs thams cad ngo mtshar zhing sku na gzhon nu 'di lta bu la sku gsung thugs kyi yon tan rmad du byung ba 'di 'dra ba 'byung ba ni nges par chos kyi rje sa skya paNDi ta nyid slar yang gdul bya'i don du sku skye ba bzhes pa yin yang dag go zhes mkhas pa'i skye bo rnams kyis mchog tu bsngags pa'i gnas su gyur ba zhig go zhes grags te/ ji skad du/ 'dzin ma'i khyon 'dir 'jam dbyangs sprul pa'i sku/ /rim par byon pa'i dpal ldan sa skya zhes/ /grags pa'i rnga chen srid na gsal ba der/ /bcu gnyis bzhes tshe bshad pa'i dga' ston bsgrub/ /sku ni 'khor tshogs dbus na zla ltar brjid/ /gsung ni tshangs pa'i dbyangs ltar dal dod snyoms/ /thugs ni shes bya'i gnas la gsal bar 'jug /yon tan skye bo kun gyi kha na rgyu/ /zhes pa ltar ro/ /de nas dgung lo bcu bzhi pa sa pho rta'i lo gzhi thog gi gdan sa mdzad nas bstan pa'i bdag por mnga' gsol zhing slar yang rtse gdong du phebs nas rwa dpon yon tan 'byung gnas la 'dul ba mdo rtsa ba 'dul ba me tog phreng brgyud/ rgyal ba'i bstan bcos tshad ma rnam 'grel sde bdun mdo dang bcas pa'i dgongs 'grel gyi bstan bcos rigs pa'i gter/ sdom pa gsum gyi rab tu dbye ba sogs sde snod gtsor gyur pa'i chos kyi rnam grangs 'ga' zhig lung rigs kyi mtha' dpyod dang bcas te legs par gsan cing 'bel ba'i gtam gyi sgo nas legs par gtan la phab ste smra ba'i khyu mchog tu gyur la/ de dus snga dro ja sbyor re tsam gyi bar la shog bu mda' tshad bdun tsam re zin pa yang byas zhes gsungs