[A:23a]gdams ngag rdzogs te sgrub pa lung sbyin pa'i dus su/ lo bco brgyad kyi bar du chos 'di gzhan la lung sbyin pa dang ston pa lta zhog 'di 'dra yod pa dang shes pa'i ming tsam yang ma 'don/ yi ger yang ma 'bri/ de nas gzhan la 'chad dam/ yi ger 'bri'am gang byed kyang khyed rang chos kyi bdag po yin gsungs nas bka' rgyas btab/ spyir khyed kyis sgrub pa gtso bor byas na tshe 'di nyid la phyag rgya chen po mchog gi dngos grub thob/ nyan bshad byas na gdul bya dpag tu med pa'i don du 'gyur zhing / khyad par du lus ma spangs par phyag rgya chen po mchog grub pa gsum/ bzod pa thob pa bdun/ rtogs pa dang ldan pa brgyad cu tsam 'byung zhes lung bstan no/ /der bla mas lo bco brgyad du bsnyel gyis dogs pas zla ba re la gsung ngag ma lus pa bshad pa'i bsam mno tshar re/ nyin zhag re la rdo rje'i tshig rkang drug gam bdun 'don pa'i dam bca' mdzad nas byon/ de ltar bla chen gyi sku tshe'i stod yan chad du bka' rgya ma tshang ba'i stobs kyis yi ge med pas gsung ngag rin po che 'di snyan brgyud 'ba' zhig tu bzhugs pa yin no/ /de nas bka' rgya lo bco brgyad thim pa dang / bla ma a seng gis lam 'bras khungs chod nas/ nyid la gsung ngag rin po che mnga' ba gda' ba la sngar yod kyang mi gsung pa 'dug da res tshar gcig gsungs pa dang yi ge zhib pa cig kyang mdzad pa zhu zhus pas/ der bka' rgya thim pa dang khong gis zhus pa 'dzom pas/ bla mas rten 'brel bsgrigs pa yin dgongs nas bla ma a seng la tshar gcig