[A:23b]gsungs/ lam 'bras don bsdus ma de mdzad nas gnang / de nas rim gyis zhu ba po so so'i ngor/ sga theng ma/ zhu byas ma/ klog skya ma la sogs pa 'grel ba bcu gcig tsam mdzad pa las/ dge bshes snyags kyi ngor mdzad pa 'di tshig nyung don rgyas sdeb legs par dgongs nas ding sang gi bar du 'di phyag dpe mdzad do/ /de dag gi bar skabs kyi gsal byed yi ge la/ kun gzhi rgyu rgyud/ gdan sogs lus dkyil/ 'chi ltas brtag pa 'chi bslu dang bcas pa/ 'da' kha ma'i gdams ngag thig le'i rnal 'byor/ phyag rgya'i mtshan nyid/ yi ges sgo dgag pa'i man ngag bar do bzhi/ lam dus kyi dbang / tshad ma bzhi/ gdams ngag drug rten 'brel lnga/ rdo rje mkha' 'gro'i sbyin sreg grib ma khrus kyis sel ba/ tsha tshas sel ba/ thig le bsrung ba/ yig brgya 'don thabs/ rlung sbyor bdun gyi lam khrid pa/ bha ga'i yi ge bcu bzhi/ 'khor bzhi'i rgya/ sa bcu gsum pa'i sa phyed kyi mngon rtogs/ don bsdus pa'i tshigs bcad rnams dang / de rnams kyi 'phros la 'khor 'das dbyer med rtsa 'grel gnyis/ dbang bzhi'i cho ga'i gnad/ mchog dbang gsum gyi yi ge phyi bskyed rim gyi gdams ngag bdud rtsi ril bu'i sgrub thabs/ 'phrang bdun bsal ba'i man ngag byung rgyal du mi gtong ba'i gnad bzhi/ 'byung ba lus 'khrugs rlung dang spyod lam gyis bsal ba/ phrin las so gnyis/ lam 'bring po/ lam bsdus pa/ gzhung ji lta ba bzhin du bkri ba/ gnad drug gis bkri ba/ gnad bcu gcig gis bkri ba/ dbang po