[A:22b]zab mo yod par 'dug dgongs nas shin tu thugs ches gsungs/ de nas dbang dang gdams ngag zhus te sngon 'gro'i khrid tshar nas/ nang par nas gsung ngag gsungs pa'i nub mo rje'i ljags skrangs te bsnyungs nas chos gsungs pa ma byung bas/ rje'i zhal nas 'o skol gnyis kyi bar na dam tshig gi nyes pa cig yod par 'dug pas maNDal phul/ yi ge brgya pa grongs shig gsungs pa dang / bla chen gyi thugs dgongs la gzhan yong ba med/ kha sing gdams ngag med pa yin nam snyam pa cig byung ba des yin nam snyam ste/ de la dmigs nas maNDal phul/ yi ge brgya pa mang du bgrangs pas phan gsungs/ man ngag kyang khong gis gnang ba la/ jo mos khong la gdams ngag myur du byin mdzod byas pas khong thugs zab pas/ ci zer gdams ngag zab mo la khyi dang glo ba 'phrad pa bzhin ci thod thod du gtong ngam gsungs nas rim gyis gnang / der dbyar dgun bzhi lhag tsam bzhugs te gdams ngag zhus pas/ bla ma dkon mchog rgyal po bla ma se'i slob dpon yin pas brgyud pa'i dam tshig dgongs nas gsung ngag rin po che ma lus par gnang / mdor na lam skor dgu/ phra mo nyi shu rtsa lnga/ de re re la yang yan lag du ma dang bcas pa dang / gsung ngag gi rgyab rten kye rdo rje rgyud rkyang gi bshad pa shin tu zab pa'i lugs dang / gsang 'dus rtsa rgyud/ mnyam sbyor rtsa rgyud/ kye rdo rje'i rtsa rgyud/ bde mchog rtsa rgyud/ gdan bzhi rtsa rgyud/ mahA mA yA dang / mtshan brjod shin tu zab pa'i bshad srol rnams kyang gsan nas thugs su chud par mdzad do/ /