[A:206a]shig tu bdag nyid chen po 'di la bsnyung gzhi drag po gcig byung ste sku khams cung zad ma bde ba na/ rje nyid kyis thabs lam gyi rnal 'byor la gnad du bsnun nas bcad rgya zhig mdzad pas bsnyung ba las grol zhing / de'i phyi lo bdag nyid chen po 'di'i drung du spyan snga kun dga' rgyal mtshan gyis byon pas/ gsung gleng gi 'phros shig la snga gong rgya yul du phyin pa'i dus rgya'i mi dpyad mkhan zhig gis nged la bla ma khyed rus sbal gyi rigs yin pas lo brgyad cu tsam thub zer ba gcig byung ste/ na ning shi na kho la kha skyang zhig yong ba 'dug gsung ba sogs kyi zhal kur mdzad pa ltar dang / khyad par rje 'di bskyed rdzogs kyi don la brtan pa thob/ rtsa rlung byang sems la dbang 'byor/ ting nge 'dzin zab mo gnad du song bas sku na shin tu bgres par gyur skabs kyang gzhon sha rab tu rgyas shing / skra dkar dang gnyer ma mi mnga'/ gzhan gang las kyang gzi mdangs che/ sku ldang yang zhing phyag zhabs la sogs pa mnyen cing dri ma mi chags pa rdo rje'i skyil krung la sogs pa sku rnam snang gi chos bdun ldan gyis nyin mtshan khor yug tu bzhugs pa la'ang ngal dub gtan mi mnga'/ sku la tshul khrims kyi dri zhim po'i ngad pa 'phro ba dang / de bzhin du na bza' dang bzhugs pa'i gzims khang la sogs pa la'ang dri bzang yun ring po'i bar du mi yal ba 'byung zhes grags shing / gzhan yang rje 'di la rims dang / dug dang / 'byung ba'i gnod pa la sogs pa rkyen glo bur ba gang gis kyang mi tshugs pa dang / pha rol gyis byas pa'i byad kha rbod gtong la sogs