[A:205b]sbyin gtong rgya chen po dang / gzhan yang gdan sa chen po'i rten gsum rnams la dkar me/ snyan dar/ rin po che las grub pa'i mchod cha sogs mchod pa'i khyad par tshad las 'das pa phul zhing / de nas lo de'i phyi lo gdan sa chen po na bzhugs pa'i bla ma/ slob dpon phyogs nas byon pa'i dge ba'i bshes gnyen sogs gzhi byes kyi tshogs pa dpag tu med pa la gsung ngag rin po che cha lag dang bcas pas thog drangs chos kyi dga' ston mtha' yas pa zhig gsungs te/ de'i bar la lha'i me tog gi char chen po nyin re bzhin rgyun ma chad par babs zhes kyang bshad la/ de ltar sku ji srid bzhugs kyi bar du chos kyi 'khor lo bar ma chad par bskor ba'i 'phrin las rlabs po ches smin cing grol ba'i slob ma'i tshogs kyang / rin chen sgang pa bla chen kun dga' rgyal mtshan/ gzhi thog pa blo gros rgyal mtshan sku mched/ 'bri khung rin po che/ thel spyan snga ba/ stag lung chos rje/ chos rje ratna ka ra/ 'tshal pa rin po che la sogs pa rigs rus dang yon tan gyis che zhing / mkhas btsun bzang gsum dang ldan pa'i slob ma'i tshogs mang po zhig dang / gzhan yang karma byams chos pa/ bka' bzhi pa seng ge rgyal mtshan/ rtse chen chos rje/ sgo mo rin po che/ rtsib ri jo gdan pa sogs nyams rtogs dang ldan pa du ma zhig dang / chos sde so so'i bla ma slob dpon/ gzhan yang bskyed rdzogs la brtan pa thob pa'i ku sa li'i brtul zhugs la gnas pa sogs bgrang ba'i yul las 'das pa lta bu zhig bskrun par mdzad nas sa chen po 'di yongs su khyab par gyur to/ /de nas yang skabs