[A:199a]sogs rgyud sde bzhi dang 'brel ba'i gdams pa zab mo mang po zhig gsan nas thugs su tshud par mdzad de/ de ltar bla ma dam pa rnams las thugs bzhed kyi chos rnams gsan cing sgro 'dogs chod par mdzad nas/ nang du rim gnyis kyi rnal 'byor zab mo las ma g.yos bzhin du dpal dges pa rdo rje'i rgyud gsum gyi bshad bka' la sogs pa rgyud kyi bshad bka' du ma dang / gsung ngag rin po che lam 'bras bu dang bcas pa'i gdams pa zab mo la sogs pa khrid bka' du ma dang / gzhan yang lung rjes gnang byin rlabs/ dbang bskur ba la sogs pa chos kyi rnam grangs tshad med pas 'os su gyur pa'i gdul bya rnams smin grol la bkod cing / khyad par rtsom pa nor bu'i phreng bas dngos dang brgyud pa'i gdul bya rnams kyi bsam pa tshim par mdzad pa'i tshul ni/ dpal dges pa rdo rje'i rtsa rgyud kyi TI ka dag ldan snye ma dang / de'i dka' 'grel snye ma/ spros med rdo rje'i tshig gi rnam bshad sogs rnam bshad kyi tshogs mang po dang / dus 'khor gyi dkyil 'khor yongs rdzogs/ thugs dkyil/ lhan skyes rnams kyi mngon rtogs/ 'khor lo sdom chen/ gsang 'dus mi bskyod pa/ gsang 'dus 'jam rdor/ kye rdor nas gling ma/ kye rdor rgyud lugs/ bde mchog lU hi pa/ gshin rje gshed/ dgra nag gdong drug gshed dmar/ a ra pa tsa na lha lnga rnams kyi mngon rtogs la sogs pa/ sgrub thabs dang dkyil chog gi tshogs mang po zhig dang / dmar khrid kyi khrid yig bsam mi khyab kyi khrid yid sogs