[A:199b]khrid yig gi tshogs du ma dang / gzhan yang yi dam chos skyong gi gtor chog bla ma brgyud pa'i gsol 'debs/ dka' ba'i gnad kyi dris lan/ slob ma la springs yig dang / gdams pa'i skor la sogs pa tshig brjod bde zhing kun gyi rna bar snyan pa/ don yid la 'bab cing bka' mdo rgyud kyi dgongs pa dang 'brel ba'i gsung rab bsam gyis mi khyab pa zhig mdzad cing / yang tshul khrims kyi bslab pa'i sgo nas kyang 'gro ba'i don rgya chen po mdzad de/ bdag nyid chen po 'di'i drung du dge bsnyen dang / dge tshul dang / dge slong gi sdom pa nod pa yang stong phrag brgal zhing / de rnams las brgyud pa'i rab tu byung ba mang pos phyogs thams cad kun tu khyab pa dang / yul phyogs so so'i skye bo'i tshogs khri phrag mang po la rje btsun sa skya pa'i bka' srol bzhin theg pa chen po dbu ma pa'i lugs kyi sems bskyed phog nas 'khor ba mtha' can du mdzad pa sogs smos kyis mi lang ba ste mdor na pha rol du phyin pa drug dang / bsdu ba'i dngos po bzhi'i sgo nas sems can gyi don dpag tu med pa mdzad pa zhig go /de ltar gzhan don rgya chen po zhig mdzad nas/ de nas chos rje sa skya paN chen gyis/ thog mar shes bya kun la mkhas par sbyangs/ /bar du mkhas pa'i tshogs su legs par bshad/ /tha mar 'dris pa'i don la brtson pas bsgom/ /dus gsum rgyal ba kun gyi bzhed gzhung yin/ /zhes gsungs pa dang / mdo las kyang / mang du thos pa nags kyi nang dag tu/ /lang tsho yol ba rnams kyis gnas pa bde/ /zhes gsungs pa'i don phyag len la btab ste/ mnga'