[A:198b]lo tsA ba bsod nams rtse mo la stsal ba'i gsang ba 'dus pa 'gos lugs su grags pa'i chos skor rnams dang / yang grub chen ti lo pa nas nA ro pa dang mar pa la legs par brgyud pa'i gsang 'dus mar lugs su grags pa dang / yang 'gos lo nas rngog pa rnams la brgyud pa'i gsang 'dus rngog lugs la sogs pa 'gos rngog mar gsum du grags pa rnams dang / gzhan yang bdag nyid chen po sa paN la kha che paNDi ta chen po shAkya shrI bha dra zhes bya ba nyid kyis legs par stsal ba'i gsang ba 'dus pa'i dbang bskur ba gsar mar grags pa la sogs pa mdor na gsang ba 'dus pa'i chos skor bod du yod do cog ma lus pa dang / gzhan yang rwa lugs/ sa lugs/ 'bro lugs/ skyo lugs la sogs pa rdo rje 'jigs byed kyi chos skor ma lus pa dang / dgra nag gdong drug gshed dmar te dgra gdong 'jigs gsum dang / dmar nag 'jigs gsum du grags pa'i pha rgyud gshin rje gshed kyi chos skor rnams dang / yang rgya che ba gnyis med kyi rgyud la brten nas dpal dus kyi 'khor lo'i dbang / khrid lung man ngag la sogs pa mdor na rnal 'byor chen po bla na med pa'i rgyud sde nas gsungs pa'i chos kyi rnam grangs phal mo che dang / gzhan yang kun rigs rtsa ba'i dkyil 'khor du dbang bskur ba la sogs pa sbyong rgyud dkyil 'khor bcu gnyis kyi dbang dang / de dag gi rgyab brten ngan song yongs su sbyong ba'i rgyud la sogs pa rgyud dang rgya gzhung bod gzhung la sogs pa mdor na yo ga rnal 'byor rgyud kyi chos skor bsam gyis mi khyab pa zhig dang / bya rgyud spyod rgyud