[A:198a]gshed dmar lha bcu gsum ma'i dbang gsan pa'i dus su/ chos kyi rje dpal ldan bla ma dam pa nyid bcom ldan 'das gshin rje gshed dmar po mtshan nyid thams cad yongs su rdzogs pa'i skur mngon sum du yun ring du gzigs nas/ chos rje bla ma dam pa nyid la sangs rgyas dngos kyi dad gus mdzad pa yin no zhes bshad pa yin/ gzhan yang rje rang nyid kyis yab ta dben chos kyi rgyal mtshan/ bla chen bsod nams blo gros/ bdag chen gzhi thog pa kun dga' rin chen/ bla chen kun dga' rgyal mtshan/ chos rje ma ti paN chen/ mkhyen rab kyi dbang phyug sa skya bu ston/ mkhas grub 'phags pa bsod nams rgyal mtshan/ bla ma rin chen rdo rje/ 'jag chen byams pa dpal/ lo chen byang chub rtse mo/ bla ma khyung po lhas pa/ chos lung mkhan chen rgyal ba bzang po la sogs pa mkhas shing grub pa brnyes pa'i bshes gnyen bsam gyis mi khyab pa zhig gus pa chen pos bsten nas/ rje btsun rnal 'byor gyi dbang phyug birWa pa nas rje sa skya pa chen po kun dga' snying po la legs par brgyud pa'i gsung ngag rin po che lam 'bras bu dang bcas pa'i gdams pa zab mo cha lag dang bcas pa sogs/ dpal dges pa rdo rje'i chos skor yongs su rdzogs pa rnams dang / slob dpon chen po lU hi pa/ rdo rje dril bu pa/ nag po spyod pa'i rdo rje ste grub chen de gsum nas rim pa bzhin du brgyud pa'i 'khor lo bde mchog lU nag dril gsum du grags pa'i chos skor yongs rdzogs/ paNDi ta btsun mo can/ mngon shes can/ nag po dam tshig rdo rje gsum gyis 'gos