[A:191b]bsam gyis khyab pa zhig bskrun nas rgyal ba'i bstan pa rin po che phyogs dus kun du ches cher gsal bar mdzad pa yin la/ rtsod pa dngos stobs kyi rigs pas log smra sun dbyung ba'i tshul ni/ gsung ngag lam 'bras kyi brgyud 'dzin rdzong lugs pa 'ga' zhig gi bzhed pa/ snang gsum khrid kyi sngon du rgyu dus kyi dbang nges par 'gro dgos pa rnal 'byor dbang phyug brgyud pa dang bcas pa mtha' gcig tu bzhed pa yin zhes smra ba dang / kha cig gis mngon par rtogs pa tshul bco lnga po ngos 'dzin pa'i skabs su/ le'u brgyad pa nas gsungs pa'i yum gyi mngon rtogs de 'dren pa rnams la dngos stobs kyi rigs pa phul du byung ba dang / de'i rgyab brten du rje btsun chen po'i gsung rnams yid ches kyi lung du mdzad de/ mdor na lan gyis bzlog par mi nus pa'i lung rigs rnams kyis sgo nas grub mtha' mi 'dra ba rnams sun byung nas/ bstan pa'i snying po gsal bar mdzad pa yin cing / yang rtsom pa mdzad pa'i tshul ni/ bdag nyid chen po sa paN gyis rang gi brjod pa bde zhing gzhan gyis rtogs par sla ba/ gnyis ka'i rna bar snyan pa zhig sdeb sbyor gyi gtsug lag shes pa las 'byung bas zhes gsungs pa ltar gyi don rnams yongs su tshang ba'i gsung rab kyi tshogs kyang / sems dpa' chen po'i bstod pa/ yab 'jam dbyangs chen po la bstod pa la sogs pa bstod pa dang gsol 'debs kyi skor du ma dang / gsung ngag gi khrid yig brda don gsal ba'i khrid yig dam tshig gi rnam bshad 'khrul spangs rab gsal la sogs pa khrid yig dang rnam bshad kyi skor mang po