[A:191a]bsam gyis mi khyab pa yod pa rnams zhib tu bgrang bar ga la nus/ rags pa tsam dper mtshon na/ chos rje zha lu pa sangs rgyas dpal bzang / grub chen dkon mchog blo gros/ chos rje blo gros rin chen/ paN chen dpal ldan rgyal po ste phan tshun bka' drin rjes su nos pa'i dam pa bzhi/ yang paNDi ta chen po shAkya mchog ldan dri med legs pa'i blo gros/ mdo sngags chos kyi mnga' bdag kun mkhyen bstan pa'i nyi ma bsod nams seng ge mi nyag paNDi ta grags pa rdo rje/ mkhas pa chen po zhu ba bsod nams rin chen/ rtse thang rab 'byams pa sangs rgyas lhun grub ste 'dzam gling yongs su grags pa'i mkhas mchog chen po lnga/ 'khon gyi gdung brgyud bdag chen bsod nams rgyal mtshan/ shar pa 'jam dbyangs chen po'i gdung brgyud slob dpon chen po kun dga' bkra shis pa ste gangs can chen por grags pa'i skyes bu gnyis dang / gzhan yang dpal 'khor bde chen gyi mkhan po bde ba'i 'byung gnas/ rkyang 'dur chos rje dkon mchog dpal ba/ mkhas pa'i dbang po bsod nams blo gros/ rab 'byams dbang po dkon mchog tshul khrims/ chos rje chos skyong rgyal mtshan/ yang dgon chos rje dpal ldan bkra shis pa/ sgo rum pa kun dga' legs pa'i blo gros/ gser mdog can gyi gdan sa pa chos rje kun dga' rgyal mtshan pa ste gsung ngag gi gsang ba 'dzin pa'i dam pa brgyad/ yongs rdzogs snyan brgyud zab mo'i rgya mtsho 'gran zla kun dang bral ba'i thugs sras rje btsun rdo ring pa chen po kun spangs chos kyi nyi ma la sogs pa