[A:186b]yod dkar chag sogs su mi gsal ba la/ rje 'di'i gsung las/ sa chen zer ba'i bgres po des gter du sbas pa yin pa 'dug gsungs pa dang / sgo rum dpe khang sogs kyi rje sa chen gyi phyag bris gang yin thogs med du mkhyen pa la/ rje btsun rdo ring pa chen pos/ 'di ltar mkhyen pa'i rgyu mtshan gang lags zhus pas/ de'i rgyu mtshan shin tu che ba gcig yod/ de tsam gyis chog gzhan la sgros ye ma btang gsungs pa sogs rgyu mtshan mang du snang zhing / gzhan yang 'di'i ngo mtshar ba'i rnam thar ni kha'u'i chu tshan du thugs dam la 'byams pa'i dus su/ lus dkyil gyi lha brgya lnga bcu rtsa bdun mngon sum du gzigs shing / de'i nang nas gsang gnas kyi lha tshogs cung zad mi gsal ba dang / snying ga'i lha tshogs shin tu gsal zhing 'od zer 'phro ba zhig 'dug pa la/ nged rang la 'phrin las kyi brgyud 'dzin ha cang mi mang / gang yod nges don la blo kha phyogs pa kho na yong ba 'dug ces gsung bar grags la/ gzhan yang 'di ni mthu stobs kyi dbang phyug chen po grub pa'i mtshan ma phyogs med du ston pa zhig ste skyed lhas su 'jigs byed drug cu pa'i phyag len gyi 'grig gnang dus/ rdo ring kun spangs pa sogs slob ma kha cig gis zhal ras kyi mdangs mthing nag tu 'gyur ba gzigs pa dang / lum pa chos mdzad pas dbu la rwa sngo seng seng 'dug pa mthong ba dang / gzhan yang 'phan yul du gtor ma la me 'bar ba kun gyis mthong ba dang / rgyal rtser rje 'di'i zhabs sa la ma reg par bar snang la phebs par 'jam dbyangs dkon mchog bzang pos gzigs