[A:187a]shing / yang skabs shig tu gzhi thog gi mkhas btsun chen pos thugs dam 'chams mgon gyi drung du gsung bsnyen zhig mdzad pa'i tshe/ mgon po zhal mngon sum du gzigs pa'i phyag dpung g.yon gyi steng du me 'bar ba dang / gri gug gi rdo rje'i phyogs bzhi'i ra med pa dbus ma la me 'bar ba gzigs snang la byung ba dang / gzhan yang dpal ldan lha mos a gro'i dgon pa don grub gling du zhal gzigs nas/ 'khor gyi tshul bzung ba'i dam nyams gcig 'dug pa ngas sgrol/ nga la yang bskang gso cig rtsoms gsungs pa la brten nas lha mo'i bskang gso khyad par can zhig kyang mdzad/ dpal mgon zhal bzhi pa ni phod kha sngon po bzhes pa can gcig tu yang yang gzigs pa dang / yang lan cig skyed lhas su mgon po 'di bram ze dkar po'i rnam pa/ dar dkar po'i na bza' can phyag g.yas na rtse gsum dang snying 'dzin pa/ g.yon na thod khrag 'dzin pa/ yum bzhi dang bcas pa mngon sum du gzigs te/ de phyin chad mgon khang der phebs res kyi de 'dra'i tshul gyis bsu ba la yang mgon po 'di nyid 'byon zhes grags la/ yang dam can pu tra ming sring rnams ni rgyun du bran ltar 'khol ba ste/ sa skyar bzhugs pa'i skabs shig rje rang gi gsung gis/ mdang pu tra 'dis mi mgo dar gyis dril ba cig khyer nas 'ur sgra dang bcas sgo rum la song zhes gsungs pa dang / yang lan cig skyed lhas su sde dpon zhig gi gtor gsos zhig byung dus/ sum cu rtsa gsum bya ba'i sgrub khang gi steng du sngags pa nag po thod phreng can zhig gis ma Ni bskul