[A:186a]'dogs legs par bcad de nyams su bzhes par mdzad pa yin te/ dus rgyun du nyin zhag re re nyams bzhes kyi rim pa'ang / lam zab mo bla ma'i rnal 'byor/ kye rdo rje'i bskyed pa'i rim pa lam dus kyi dbang blang ba dang bcas pa bzlas brjod kyis mtha' brgyan pa/ nA ro mkha' spyod kyi rnal 'byor bzlas pa dang bcas pa/ bir srung thun mong dang thun mong ma yin pa/ lU nag dril gsum gyi bskyed rdzogs bzlas pa dang bcas pa/ gshed dmar lha lnga'i bskyed rim/ rdzogs rim spros med kyi rnal 'byor dang bcas pa/ 'jigs byed bskyed rim bzlas bcas thun bzhi'am gnyis gang rung re dang / gzhan yang tshe dpag med la sogs pa lha'i rnal 'byor phra mo du ma dang / maNDal sgrub mchod sngon du 'gro ba'i sgo nas bstan srung rnams la mchod gtor 'bul ba/ bskang gso'i rim pa dang bcas pa ma chag pa mdzad cing / de dag gi mtshams su bzlas pa/ gtor ma/ klog pa/ tsha tsha 'debs pa/ bskor ba mdzad pa/ snod ldan la chos 'khor bskor ba sogs mdor na chos spyod bcus dus 'da' ba dang / de dag kyang lta ba'i rtsis zin par mdzad pa zhig go /de lta bu'i bdag nyid chen po 'di ni rje sa skya pa chen po nyid slar yang rang gi rigs su rnam par sprul pa'i gar gyi rol par snang ste/ gong du smos pa ltar sems dpa' chen pos sa chen gyi rnam thar rje 'di la gnang nas/ khyed rang gi chos 'di na yod gsungs pa dang / bse 'bag dang lhan cig tu rgya gar nas byung ba'i bse'i ga'u'i nang na yod pa'i sgrub thabs sogs kyi yi ge deng sang ga na