[A:185a]ngo mtshar ba'i gtam du gleng bar byed do/ /de nas yang yul phyogs gzhan zhig tu byon pa na/ bon po gdug pa can 'ga' zhig gis sngar gyi lo rgyus rnams thos pas zhe 'jigs kyang phrag dog gi dbang gis/ dpon slob rnams la sngar thog lam rgyun par yod pa'i sa shin tu gnyan pa/ su yang sdod mi nus pa zhig tu sgar khung bstan te der bzhugs pa na/ srod thum pa nas sprin nag 'dus 'brug sgra shin tu drag po dang / glog phreng rgyun ma chad par tho rangs kyi bar du byung zhing / mi ma yin gyi cho 'phrul sbal pa nag po shin tu che ba 'jigs su rung ba gcig cha ther gyi nang du byung ba la/ rje nyid kyis khro bcu'i srung 'khor dang / bde mchog gi go cha drug la brten pa'i srung 'khor gdug rtsub ma zhi'i bar du mdzad cing / de nas zhag 'ga' yar gyi bar gang phebs par sprin nag po bya ra byed pa'i rnam pa byung ba de je 'gyangs je 'gyangs su song zhing thog la sogs pa bar chad kyi rnam pa gang yang ma byung bas/ der gnas pa'i mi kun gyis gnas 'dir bzhugs tshugs pa 'di pa dpon slob las ma byung zer zhing / thams cad ha las pas thun mong ma yin pa'i dad pa thob par gyur pa la sogs pa mthu stobs nus pa bsam gyis mi khyab cing gdul bya gang la gang 'dod la chos kyi dga' ston stsol bzhin par khams kyi stod smad bar gsum du lo gsum yar mar lo gnyis te kun dril bas lo lnga'i bar du khams phyogs kyi 'gro ba rnams thar pa'i lam la 'god par mdzad pa yin zhes bshad la/ de nas khams phyogs kyi dad pa dang ldan pa'i skye bo rnams kyis