[A:184b]rtags mngon sum du mthong ba la brten nas snyan pa'i grags pas sa steng khyab par gyur ces kyang khums so/ /yang lan cig rma khams phyogs la thegs pa'i rma chu gtsang po zhes bya ba'i chu klung shin tu che ba zhig gi rtsar sgar pa sngon ma rnams slebs nas der sdod pa'i grabs byas pa na/ rje nyid rjes su phebs nas da lta chu la 'gro ba'i grabs kyis phebs pa na/ chag phyi ba rnams kyis mgrin gcig tu do nub thang yang chad/ nyi ma yang phyi mor song 'dug pas 'di khar bzhugs na legs pa 'dra zhes nan gyis zhus kyang ma gsan par mchod g.yog pa nam shes la mgon po'i gtor ma gcig da lta 'chos la chu 'di la rgyob gsungs pa'i bka' lung mdzad pa na/ khong gis kyang de bzhin byas pas chu la che chung du mngon pa gang yang ma byung / der rjes rje nyid kyis gtor ma gcig chu la gnang ba na/ lcags kyi tho lum me 'bar ba chur 'phangs pa ltar sgra 'jigs su rung ba byung zhing / chu de yang de ma thag sum gnyis dri ba tsam song / der rje rang gis chu de la sngon la phebs shing / der rjes gzhan rnams kyang bar chad med par pha rol tu sleb pa tsam na/ chu de sngar bas kyang bcu 'gyur gyis che ba tsam du song bas/ thams cad ngo mtshar zhing blo bde bar gyur/ de nas rje'i gsung gis mgon po la gtang rag gi mchod gtor phul thams cad bde bar sdod gsungs/ de'i rgyu mtshan yul phyogs de na gnas pa'i skye bo rnams kyis thos pa na/ sngar rma chu gtsang po la sus kyang rab ma 'thon pa la da lan 'di 'dra ba'i rab 'don pa 'di lta bu su zhig yin nam zhes thams cad 'jigs shing ha las nas