[A:185b]'bul pa'i dngos po bsam gyis mi khyab pa byung ba rnams dang bcas gdan sa chen por gegs med du phebs/ rje btsun 'jam dbyangs chen po yab sras kyis gtso mdzad gdan sa chen por bzhugs pa rnams la 'bul ba'i dngos po tshad las 'das pa phul zhing rten so so la yang snyan dar la sogs pa mchod pa rgya chen po mdzad de/ de nas chu pho 'brug gi lo la yab 'jam dbyangs chen po sku gshegs pa'i gshegs rdzong rgya chen po bsgrubs/ gzhi thog bla brang chos gzhis dang bcas pa thams cad gcen la phul te/ bdag nyid bya bral kho na la thugs gtad nas/ 'jam dbyangs dkon mchog bzang po'i drung du slar yang nges don gyi nying khu zab lam rdo rje'i rnal 'byor sbyor ba yan lag drug pa'i bka' drin gsan cing / lo de'i hor zla bcu pa la rgyal mkhar rtse nas spyan drangs te nor bu khyung rtser phebs nas/ dpon blon rnams la gsung chos kyi bka' drin stsal/ de nas slar yang mus su phebs nas rje sems dpa' chen po'i sku gdung mjal ba dang / rje sangs rgyas dpal bzang / grub chen dkon mchog blo gros/ chos rje blo rin pa rnams la rgyud sde bzhi dang 'brel ba'i chos skor du ma zhig gsan pa dang / rje nyid kyis kyang dam pa de dag la gsung chos kyi bdud rtsi ci yang zhig stsal zhing / yang bar skabs su rje btsun gcen gyi drung dang / theg chen chos rje'i zhal slob chos rje dpal ldan legs pa'i zhabs dang / rgyal tshab dam pa kun dga' dbang phyug la sogs pa rnams la yang chos kyi sgo du ma gsan nas thugs su chud par mdzad cing / gsan pa de dag kyang tshig don la sgro