[A:183a]gsum la g.yel ba med par gces spras su mdzad pa yin la/ dam pa 'di nyid kyi drung du rdo rje theg pa'i gsang ba zab mo'i bka' drin nos pa'i tshul ni/ zhabs drung du phebs ma thag tu thog mar gshed dmar lha lnga'i dbang / byin rlabs/ bskyed rdzogs kyi nyams khrid/ de la nye bar mkho ba'i lus sbyong 'phrul 'khor/ bskyed rdzogs kyi gzhung la sogs pa gsan cing / gzhan yang blo sbyong don bdun mar grags pa'i nyams khrid dang / rgyal sras thogs med pas mdzad pa'i rtsa tshig gi lung la sogs pa blo sbyong skor du ma dang / gzhan yang rgyud gsum gyi bshad bka' dang / 'khor lo bde mchog gi dbang lung man ngag du ma dang / nA ro mkha' spyod kyi chos skor/ rje rdo rje 'chang kun dga' bzang po'i bka' 'bum thog gcig rje nyid kyi bka' 'bum yongs rdzogs kyi lung la sogs pa du ma zhig gsan te/ de'i skabs su bdag nyid chen po 'dis rje sems dpa' chen po la ni gu chos drug spyod khrid sogs chos sna mang po zhig thor bkod nas 'di rnams gnang dgos tshul zhus pas/ rje sa chen gyi rnam thar gnang nas/ khyed rang gi chos rnams 'di na yod pas 'di la gzigs/ 'di nang gi nged rang gis thob pa rnams 'bul gsung ba byung ba dang / de mthun dus gsum gyi rgyal ba thams cad kyi bgrod pa gcig pa'i lam po che/ rnal 'byor dbang phyug birWa pa'i gsung gi man ngag rje btsun sa skya pa yab sras rnams la snyan brgyud bzhi bar ma chad par byon pa'i gsung ngag rin po che lam 'bras bu dang bcas pa'i gdams pa zab mo gsan